მოეწყო ასტროკლიმატის და ცის განათების მონიტორინგის სისტემა, შეძენილ იქნა შესაბამისი მოწყობილობები (2022-2023 წწ)
აღდგენილია ობსერვატორიის ბიბლიოთეკა, რომელიც განთავსდა ზედა ატმოსფერული კვლევების შენობაში. მიმდინარეობს მისი შევსება ობსერვატორიის თბილისის ბიბლიოთეკის წიგნებით და ჟურნალებით. (2022-2023 წწ).
ზედა ატრმოსფერული კვლევების შენობაში, ასევე, მოეწყო ე.წ. მინის ბიბლიოთეკის საცავი. დაკვირვებითი მასალის გაციფროვნებისთვის შეძენილია სპეციალური სკანერები (2022-2023 წწ).
მიმდინარეობს ყოფილი სასადილოს შენობის რეაბილიტაცია, სადაც განთავსდება სამეცნიერო ტურიზმის ცენტრი. შენობაში იქნება სივრცეები სხვადასხვა ღონისძიებების, პრეზენტაციების და სამუშაო შეხვედრების ჩასატარებლად.
აზტ-11-ის შენობაში ძველი ტელესკოპი და გუმბათი იცვლება ახალი, ავსტრიული ფირმის (ASA) მიერ დამზადებული 1.5 მეტრიანი ტელესკოპით და იტალიური წარმოების გუმბათით. რეაბილიტაცია უტარდება გუმბათის ქვეშ არსებულ სივრცეს (2023).
ობსერვატორიის ტერიტორიაზე მოეწყო გაზმომარაგების ქსელი - გაზგაყვანილობის მილები მიყვანილია ორ შენობასთან (2023 წ).
გარემონტდა ობსერვატორიის პატარა სასტუმრო. მიმდინარეობს სასტუმროს მიერთება გაზმომარაგების ქსელთან (2022-2023).
შეკეთდა და მუშა მდგომარეობაშია ფოტოსფერულ-ქრომოსფერული ტელესკოპის გუმბათი (2021)
ობსერვატორიის ტერიტორიაზე გადმოტანილ იქნა ე.წ. გლაზენაპის კოშკი, რომელიც შეემატება ობსერვატორიის საექსკურსიო სივრცეს (2022 წ).
დაწყებულია ობსერვატორიის პერიმეტრზე ღობის და ახალი ჭიშკრის მოწყობის სამუშაოები (2022-2023 წწ).
