საიტზე მიმდინარეობს ინფორმაციის განთავსება
ინფორმაცია ვიზიტორებისთვის!

2022 წლის 1 მაისიდან, სსიპ-საქართველოს ევგენი ხარაძის ეროვნული ასტროფიზიკური ობსერვატორია განაახლებს ვიზიტორთა მიღებას, აბასთუმანში, მთა ყანობილზე.
ვიზიტორების მიღება მოხდება ჯგუფებად - არანაკლებ 5 და არაუმეტეს 25 ვიზიტორისა.

ვიზიტორების მიღების განრიგი
ყოველდღიურად

დღის საათები: 11:00 საათიდან 19:00 საათამდე;
შესვენება: 19:00 სთ-დან - 21:00 სთ-მდე.
ღამის საათები: 21:00 საათიდან 2:00 საათამდე.
ვიზიტორებს, ლექცია-საუბრებისა და ობსერვატორიის ტერიტორიაზე ყოფნის განმავლობაში, მეგზურობას გაუწევს პროფესიონალი ასტრონომი.
ჯგუფის ვიზიტის ხანგრძლივობა - დაახლოებით - ერთი საათი.
ვიზიტორებმა, ობსერვატორიის ტერიტორია უნდა დატოვონ (არაუგვიანეს) ღამის 03:00 საათამდე.

დღის ასტრონომიული ტურის მოკლე მიმოხილვა
დღის სეანსი - 40 სმ-იანი რეფრაქტორის შენობაში, შედგება სამი ნაწილისგან:
  1. ობსერვატორიის სადემონსტრაციო დარბაზი;
გაეცნობით ობსერვატორიის დაარსების და მისი განვითარების ისტორიას, ეწვევით ობსერვატორიის დამაარსებლის, აკად. ევგენი ხარაძისა და პროფ. მიხეილ ვაშაკიძის კაბინეტებს. გაეცნობით აბასთუმნის ობსერვატორიის განვითარების მნიშვნელოვან ეტაპებს და მოვლენებს, მის დღევანდელობასა და პერსპექტივებს.
  1. 40 სმ-იანი ტელესკოპი;
ნახავთ ობსერვატორიის ერთ-ერთ უძველეს პროფესიონალურ ტელესკოპს - 40 სმ-იან რეფრაქტორს და მისი ასტრონომიული კოშკის კონსტრუქციას; გაეცნობით ციურ სხეულებზე დაკვირვების პრინციპებს და მათ თავისებურებებს.
  1. სალექციო დარბაზი;
მცირე სალექციო დარბაზში ასტროგიდი ვიზიტორთათვის ჩაატარებს პოპულარულ ლექცია-პრეზენტაციას თემაზე: „სამყაროს აგებულება და ევოლუცია“.
ლექციის ბოლოს გაიმართება კითვა-პასუხების სესია.

ღამის ასტრონომიული ტურის მოკლე მიმოხილვა

ღამის სეანსი - 40 სმ-იანი რეფრაქტორის შენობაში,
შედგება ორი ნაწილისგან:
  1. 40 სმ-იანი ტელესკოპი;
ნახავთ ობსერვატორიის ერთ-ერთ უძველეს ტელესკოპს - 40 სმ-იან რეფრაქტორს და მისი ასტრონომიული კოშკის კონსტრუქციას;
მოწმენდილი ცის შემთხვევაში, პროფესიონალი ასტრონომის დახმარებით, შესაძლებლობა მოგეცემათ, დააკვირდეთ (თქვენი ვიზიტის პერიოდში, მნათობთა ხილვადობის შესაბამისად) მთვარეს, პლანეტებს და ცის კაშკაშა, საინტერესო ობიექტებს.
მოღრუბლული ამინდის შემთხვევაში - ასტროგიდი, მონიტორზე გიჩვენებთ, თუ როგორ გამოიყურებიან მსგავსი ზომის ტელესკოპებში, ზემოაღნიშნული ციური სხეულები.
  1. ობსერვატორიის სადემონსტრაციო დარბაზი;
გაეცნობით ობსერვატორიის დაარსების და მისი განვითარების ისტორიას, ეწვევით ობსერვატორიის დამაარსებლის, აკად. ევგენი ხარაძისა და პროფ. მიხეილ ვაშაკიძის კაბინეტებს.
ლექციის ბოლოს გაიმართება კითვა-პასუხების სესია.

---------------------------------
დღის ასტროტურის ღირებულება:
(11 სთ-დან - 19 სთ-მდე)


• მოზრდილებისთვის: 10 ლარი;
• სკოლის მოსწავლეებისა და სტუდენტებისთვის: 5 ლარი;
• სკოლამდელი ასაკის ბავშვებისთვის და სოციალურად დაუცველი პირებისთვის ვიზიტი უფასოა.

ღამის ასტროტურის ღირებულება:
(21 სთ-დან - 02 სთ-მდე)


მოზრდილებისთვის: 15 ლარი;
• სკოლის მოსწავლეებისა და სტუდენტებისთვის: 5 ლარი;
• სკოლამდელი ასაკის ბავშვებისთვის და სოციალურად დაუცველი პირებისთვის ვიზიტი უფასოა.
---------------------------------------
ყურადღება!

გთხოვთ გაითვალისწინოთ - ობსერვატორიაში ვიზიტის დროს, დღისა და ღამის ასტროტურებს შორის, შესვენების პერიოდში (19 სთ-დან - 21 სთ-მდე) ობსერვატორიაში ექსკურსიების მიღება არ მიმდინარეობს.
ყურადღება!

დახურულ სივრცეში აუცილებელია პირბადის ტარება.

--------------------------------------



ვიზიტორის მიერ თანხის გადახდის წესი:

ასტროტურის ღირებულების გადახდა შესაძლებელია ადგილზე, ობსერვატორიაში, სს საქართველოს ბანკის „ექსპრეს ფეის“ სწრაფი გადახდის აპარატის, ან საკრედიტო ბარათის ტერმინალის მეშვეობით, ანდა საბანკო გადარიცხვით წინასწარ მიღებული ინვოისის საფუძველზე.

ასტროტურის დაჯავშნა:

ცალკეული ჯგუფებისათვის შესაძლებელია ასტროტურის წინასწარ დაგეგმვა. ასეთ შემთხვევაში გთხოვთ დაუკავშირდეთ ობსერვატორიის ადმინისტრაციას ქვემოთ მოყვანილ ტელეფონების ნომრებზე ან ელ.ფოსტის მისამართზე.

-------

საკონტაქტო ინფორმაცია:

0301, კურორტი აბასთუმანი, ადიგენის მუნიციპალიტეტი
0179, თბილისი, მ. კოსტავას ქ. 47/57
ტ.: 591 412 420 თინათინ მერაბიშვილი - დირექტორის აპარატი
ტ.: 599 90 55 00 ოთარ კვარაცხელია - მეცნიერების პოპულარიზების დეპარტამენტის უფროსი
ტ.: 599 177 707 ვაჟა ყულიჯანიშვილი - მთავარი ასტრონომ-მენეჯერი.
ელ. ფოსტა: astrotour@abao.ge