სალომე მჭედლიძის დაჯილდოების შესახებ
- 26 დეკემბერი 2024
ა.წ. 25 დეკემბერს, სსიპ - საქართველოს ევგენი ხარაძის ეროვნული ასტროფიზიკური ობსერვატორიის თბილისის ოფისში, შედგა ასტროფიზიკაში შესრულებული სამეცნიერო ნაშრომისთვის ახალგაზრდა მეცნიერთათვის 2024 წლის ჯუმბერ ლომინაძის სახელობის ჯილდოს გადაცემის საზეიმო ღონისძიება. ღონისძიებას ესწრებოდნენ ობსერვატორიის თანამშრომლები, ლაურეატის ოჯახის წევრები და ღვაწლმოსილი მეცნიერის ჯუმბერ ლომინაძის შვილი ბატონი გოგა ლომინაძე. კონკურსის ლაურეატს, ქალბატონ სალომე მჭედლიძეს დაჯილდოების დიპლომი გადასცა ობსერვატორიის სამეცნიერო საბჭოს თავმჯდომარემ, საქართველოს მეცნიერებათა აკადემიის აკადემიკოსმა ბატონმა გიორგი ჩაგელიშვილმა. ობსერვატორიის დირექტორმა ბატონმა, რევაზ ჭანიშვილმა დაჯილდოებულს მიულოცა მიღწეული წარმატება და იმედი გამოთქვა, რომ იგი მომავალში იტალიაში დაგროვილ საერთაშორისო გამოცდილებას გამოიყენებს ობსერვატორიის სასარგებლოდ.
