ვაჟა ყულიჯანიშვილის იუბილე

24 ოქტომბერს, 75 წელი შეუსრულდა ობსერვატორიის მთავარ ასტრონომ-მენეჯერს, ფიზ.-მათ. მეცნიერებათა დოქტორს ბატონ ვაჟა ყულიჯანიშვილს.

1972 წელს, თბილისის სახელმწიფო უნივერსიტეტის დამთავრების შემდგომ, ნახევარ საუკუნეზე მეტია, რაც ის ერთგულად ემსახურება აბასთუმნის ასტროფიზიკურ ობსერვატორიას და საქართველოში ასტრონომიის განვითარებას. ბატონი ვაჟა წარმატებით უთავსებს ერთმანეთს სამეცნიერო კვლევებს, საორგანიზაციო და საგანმანათლებლო საქმიანობას. წლების მანძილზე, ის იყო მზის ფიზიკის კვლევისა და მზის სამსახურის განყოფილების ხელმძღვანელი, Მის ინოვაციურ დაკვირვებებს დიდი წვლილი აქვს შეტანილი მზის ქრომოსფერული სპიკულების კვლევაში. ბატონი ვაჟა მონაწილეობდა და ხელმძღვანელობდა მზის დაბნელების 11 საერთაშორისო ექსპედიციას, ბატონ ევგენი ხარაძესთან ერთად ის გახლავთ ავტორი წიგნისა „მზე და ვარსკვლავები“ (1999წ).

დღესაც, ბატონი ვაჟა ჩვეული ენერგიულობით ხელმძღვანელობს მთა ყანობილზე ობსერვატორიის სამეცნიერო-საორგანიზაციო საქმიანობას. იგი ჩართულია ობსერვატორიაში მიმდინარე ყველა სამეცნიერო თუ ინფრასტრუქტურული პროექტების განხორციელებაში.

ბატონი ვაჟას პირადული თვისებები, მისი ერუდიცია, პასუხისმგებლობის მაღალი შეგრძნება, გამოცდილება და კორექტულობა, დიდწილად განსაზღვრავს ობსერვატორიაში მიმდინარე რეორგანიზაციის პროცესის წარმატებას.

ობსერვატორიის თანამშრომლები გულითადად ვულოცავთ ბატონ ვაჟას საიუბილეო თარიღს, ვუსურვებთ დღეგრძელობას, მხნეობას და შემდგომ წარმატებებს, მის შესანიშნავ დიდ ოჯახთან ერთად.